Maxina per un intre que yes tú quien tien la responsabilidá de caltener en furrulamientu toles cámares que capturen les perguapes sableres asturianes. ¿Verdá que suena entreteníu?

La empresa Teleco Alea llevántase nun pequeñu pueblu de Cangues d’Onís, llamáu Margolles. Con más de 35 años d’experiencia, esta empresa familiar llegó a convertise nun referente nel mundiu la lletrónica y les telecomunicaciones. Pero la so hestoria entama dende cero. 

Si viaxamos a los años 80, alcontrámosmos con Manuel cuandu inda yera un mozu suañador, dedicáu a reparar y instalar televisores y antenes de televisión. Pero el so espíritu emprendedor fízo-y medrar pasín a pasu.

A medida que la teunoloxía avanzaba, los televisores a válvules entamaron a reemplazase polos modernos de pantalla plana y Manuel atalantó que tenía d’evolucionar p’alcontrar el so requexu nel nuevu mundiu dixital. Poro, nel añu 2002 obtuvo les certificaciones como instaladores de telecomunicaciones homologaos. Esto permitió-y esparder los sos servicios y firmar proyeutos de teleco pa pequeños edificios y chalets.

Magar que Manuel ta solo na empresa, cuandu ye necesariu collabora con otros profesionales, p’algamar grandes proyeutos que-y permitan crecer.

Esti ye ún de los sos secretos pa ganar una reputación impecable y entamar a atender a veceros de toa Asturies, dende’l so queríu pueblu de Margolles. Comprometíu cola calidá y satisfacción del cliente, Manuel somórguiase anguañu nun proyeutu que define como entreteníu y apasionante: Teleco Alea encárgase del funcionamientu de les webcam de toles sableres asturianes.

Arriendes d’ello, a Manuel présta-y tresmitir la so pasión pola teunoloxía y char un gabitu a los más nuevos neesta profesión. La so hestoria ye una preba de que, con determinación y formación puedes algamar los tos suaños. 

Susana Sela

This work is licensed under a Creative Commons Attribution 4.0 International License.