Bonos díes, bona xente.
Alborecemos con nubes ya claros ya con unes temperatures que tan alrodiu de los 17ºC, rexistrándose nel puirtu Payares 9,5ºC.
Güei vamos tener intervalos nubosos entemecios ente dellos claros con dalguna nube de desendolque pela tarde, les temperatures másimes n’ascensu y l’aire sedrá sele ya variable.
Mañana vienres vamos tener un día mui asemeyáu al de güei con nubes ya claros o abancios nel cielu con un bultable ascensu de les temperatures másimes, amás l’aire seguirá siendo sele ya variable.
El sábadu paez que s’estropia dalgo y la nubosidá pue ser abondosa pero sin malpenes preciptiaciones que de dase sedrán máa probables pela tarde con unes temperatures másimes en moderáu descensu.
El domingu paez que quier meyorar dalgo ya tendremos apertura de claros o abancios con un llixeru ascensu de les temperatures másimes pa entamar la selmana viniente con tiempu estable y soleyeru.
Que paséis un bon xueves collacies ya collacios.
This work is licensed under a Creative Commons Attribution 4.0 International License.
