Los talleres de arqueología vuelven a Vigaña, Belmonte, esti fin de selmana, con una prestosa programación
El prósimu sábadu 29 xunetu abriránse los Talleres Didáuticos d’Arqueoloxía colos talleres d’ellaboración de pan, cerámica, escavación y manualidaes con materiales reciclaos. Darréu entamará la escape room “¿Onde ta Arceius?” nel que la reciella tendrá la misión de sofitar a Bodocena pa dar con Arceius, desapaecíu en estrañes circunstancies, al traviés d’un percorríu pelos barrios del pueblu. Depués de xintar toos xuntos lo que salga del fornu, de tardi fadráse un taller de baille y música tradicional, con Xose Antón Ambás y Ramses Iglesies.
Toles actividaes sedrán de baldre y pa participar hai qu’apuntase nel mail info@belmontedemiranda.com.
AlbertoRodríguez
This work is licensed under a Creative Commons Attribution 4.0 International License.
