Rafael Palacios cobrará la indemnización por cese a la que s’opuso frontalmente, calificándola de “repartu del botín”
En xunetu de 2019, hai agora cuatro años, cellebrábase la primer Xunta de Voceros del Parllamentu Asturianu. La primer llexislatura con Adrián Barbón al frente del gobiernu autonómicu inaugurábase cola propuesta de los “socialistes” del pagu d’indemnización a los diputaos que al rematar los cuatro años de periodu parllamentariu nun tuvieren otru tipu d’ingresu.
Podemos amosó entós el so refugu frontal a la midida. Rafael Palacios en concretu calificó la idega de “repartu botín”, desixendo la so retirada.“Paeznos una vergoña qu’una persona con 12 años de diputá y que recibió un sueldu de casi mediu millón d’euros, reciba cuasi 50.000 euros d’indemnización”, dicía.
Más apocayá, en marzu, mientres l’alderique del nuevu Reglamentu de la Xunta Xeneral, el mesmu Palacios presentó una enmienda na que solicitaba la retirada del testu del párrafu que contemplaba la indemnización por cese.
Pero nes caberes elleiciones, presentándose al conceyu de Llangréu, Palacios, conocíu pola so habilidá pa crear discordia,
nun consiguió puestín, quedó ensin ingresos y ¿Quién quier dignidá si nun da perres?. Rafa abandona -por agora- el so puestu, si, pero con una indemnización que va rondar los 20.000 euros, una cuantía equivalente a la cabera mensualidá ordinaria percibía per cada añu de mandatu consecutivu en situación de dedicación esclusiva.
El parllamentu asturianu va perder nestes compensaciones un total de 110.000 euros, yá que amás de Rafael Palacios otros cuatro ex parlamentarios autonómicos pidin el cobru d’esta compensación, en concretu trés del PP, Javier Brea, Reyes Fernández Hurlé y Pablo Álvarez Pire, y un de Foru, Pedro Leal. Daniel Ripa, compañeru de formación de Palacios, arrenunció a la so paga, que pasaría de los 30.000 €.
Redaición InfoAsturies
This work is licensed under a Creative Commons Attribution 4.0 International License.
