El sábadu cincu la Sablera San Llorienzu sedrá testigu d’una nueva aición contra’l actual modelu turísticu d’Asturies
La campaña d’Asturies Insumisa a favor d’un modelu turísticu caltenible continúa esta fin de selmana en Xixón, una de les ciudaes onde’l turismu masivu ta teniendo les más dañibles y doloroses consecuencies, con barrios enteros que tán siendo deshabitaos por mor del puxu de los pisos turísticos, un fenómenu conocíu comu “Xentrificacion”.
Esti sábadu día 5 a les 13.00 na sablera de San Llorienzo convoquen un actu nel que visibilizarán esti problema. Esta acción atópase enmarcada dientro de l’axenda de la campaña d’Asturies Insumisa “Turismu masivu, malu pal turista, malu pal nativu”, que ya visitó dellos eventos multitudinarios del branu asturianu, apurriendo información sobro les consecuencies del turismu masificáu y la posibilidá d’un modelu de turismu más caltenible, más beneficiosu pa la población asturiana y pa los visitantes.
Alberto Rodríguez
This work is licensed under a Creative Commons Attribution 4.0 International License.
