Videoxuegos, Realidá Virtual ya Impresión 3D, van ser dalgunes de les teunoloxíes que van tar presentes del 1 al 3 de setiembre nel eventu de referencia d’arruelu alternativu d’Asturies
La undécima edición de la CometCon, que va cellebrase del 1 al 3 de setiembre nel recintu Ferial Luis Adaro de Xixón, va complementar la so ufierta d’arruelu alternativu avezáu con talleres, charres y esposiciones que van poner de relieve’l potencial innovador y científicu del país.
L’apueste de la CometCon por visibilizar les últimes novedaes en materia d’innovación lleva cuayando mientres años sol nome de CometMaker. Foron decenes d’empreses, entidaes y asociaciones -tantu d’Asturies como d’otros llaos- les que presentaron los sos productos más teunolóxicos. “El fomentu de les vocaciones científicu-tecnolóxiques, por aciu talleres y charres, ye quien a coneutar a la ciudadanía coles empreses y l’alministración pública rellacioná cola innovación”, afirma Héctor
Lasheras, direutor de la CometCon.
El firme apueste de Xixón por esti ámbitu ta presente nel díe ente díe de les distintes aniciatives económiques y sociales de la ciudá. Luis Díaz, director xerente de Xixón Impulsa, afirma que “Xixón Impulsa ten de tar presente nos eventos en que la innovación, la teunoloxía y, a última hora, los nuevos enclinos tán presentes. Amás, el perfil de públicu nuevu permite afalar y fomentar les vocaciones teunolóxiques como opciones de futuru”.
La impresión 3D va tener presencia destacá gracies a la collaboración d’Elige 3D o QuimiCafeina.
Esti postreru ye un equipu de dos químicos apasionaos pola impresión 3D ya’l diseñu dixital que’l so oxetivu futuru ye diseñar y producir recursos educativos p’aidar a profesores y escolinoa a superar distintos tipos de conteníos, como química, física, matemátiques o bioloxía.
Los drones d’última xeneración tamién van tar presentes en CometCon de la man d’Esdronia,
una empresa asturiana esperta en realizar soluciones eficientes ya innovadores por aciu l’usu de drones.
Siguiendo col arruelu dixital, los asistentes van poder esfrutar de FADU -gracies a Aules del Futuru-, una actividá que permedia l’habilidá física y l’estratexa. Dambos factores son fundamentales dientro d’un equipu para consiguir la victoria, yá que ye un xuegu tantu d’ataque como de defensa.
Los xugadores determinen la configuración de les sos habilidaes antes del entamu de ca ronda (velocidá y tamañu de les boles, fuerza y duración del escudu, etc.) y tomar de decisiones conxuntes tien una parte fundamental.
Tamién va cellebrase’l Indie Dev Play, una aniciativa qu’aporta dende Barcelona, basao n’un de los meyores eventos Indie de Cataluña, l’IndieDevDay.
Los talleres STEAM van cellebrase del 1 al 3 de setiembre n’estremaos horarios. El taller de Gafes de VR va celebrase’l 1 de setiembre de 13.30 a 15.00 y el 2 de setiembre de 18.00 a 19.30. Per otru llau, el taller de Drones va cellebrase’l 1 de setiembre de 17.00 a 18.30h ya’l 3 de setiembre de 13.30 a 15.00. Los talleres de Videoxuegos Arcade van cellebrase’l 2 de setiembre n’horariu de 13.30 a 15.00 y el 3 de setiembre de 17.00 a 18.30.

CometCon 2023 cuenta cola collaboración del Gobiernu d’Asturies, Xixón Divertia, Xixón
Impulsa, Conseyería de Cultura, Política Llingüística y Turismu, Ministeriu de Cultura y Deporte, Nimby, Institutu Tecnolóxicu de Barredo, Xixón Mocedá, Cámara de Xixón, Imagin, PCBox, Unicaja
Bancu, Asturies Cultura en Rede y el Conseyu de la Mocedá del Principáu d’Asturies, ente otros.

Les entraes, que yá tán a la vienta, podrán adquirise digitalmente en www.cometcon.org o bien na mesma taquilla del eventu.

Alberto Rodríguez

This work is licensed under a Creative Commons Attribution 4.0 International License.