El 24 d’agostu de 1937, va  86 años, los asturianos independizábense a tolos efeutos de la República Española, proclamando’l Conseyu Soberanu d’Asturies y Llión, entamando un procesu hestóricu que-y valió  la so reconocencia a nivel internacional y nel que los asturianos enfrentaron heróicamente ya ensin cuasi medios al exércitu franquista español y los sos alliaos alemanes ya italianos, una pelea imposible contra tres xigantes que pudiere tomar otru camín de nun ser pol abandonu espresu por parte  de la República española, que llegó a considerar un alliviu l’acupación d’Asturies poles tropes facistes.

L’actu sedrá abiertu y tendrá llugar el sábadu 20 d’agostu nel Puertu Tarna a la una’l mediudíi delantre’l monumentu que fai alcordanza d’esta hestórica declaración, aniciu d’una auténtica República Asturiana. L’homenaxe finará con una xinta popular na Fonte la Nalona.

Andecha Astur considera qu’esta foi tamién la cabera istitución democráticamente escoyía polos asturianos, ya que, aporfien, nun escoyimos la nuesa forma de gobiernu actual “La falsa transición política cola que continuó’l franquismu non solo nun permitió recuperar esta auténtica istitución d’autogobiernu, sinón qu’impunxo –ensin que’l Pueblu Asturianu pudiere votalo- un “Principado” y un Estatutu descontestualizáu hestoricamente y sociolóxicamente ayenu a la sociedá asturiana, condergándomos a la situación de colonialismu que carecemos anguañu.”

Redaición InfoAsturies