La Feria Internacional de Muestres foi l’escenariu escoyíu pa dar a conocer el modelu turísticu propuestu por Asturies Insumisa, que beneficie a la sociedá asturiana nel so conxuntu y non namás a una élite hostelera
Dellos miembros de les organizaciones que componen Asturies Insumisa aconceyaron ayeri a la entrada de la Feria de Muestres, onde desplegaron tres pancartes colos testos “Turismu masivu, malu pal turista, malu pal nativu”, “Asturies, Paraisu patronal, infiernu llaboral” y “Asturies Insumisa”. Darréu, tuvieron repartiendo miles de trípticos ente los asistentes pa dar a conocer la so alternativa por un modelu de turismu planiáu y que respete les condiciones de vida y de trabayu del pueblu trabayador asturianu.
Esta ye una más dientro les actividaes que dende entamos del branu vienen desendolcando Asturies Insumisa n’estremaos puntos de la xeografía asturiana en momentos de gran afluencia de públicu, comu nel Reggaeton Fest, la sablera San Llorienzu o la Selmana Prieta.
Alberto Rodríguez
This work is licensed under a Creative Commons Attribution 4.0 International License.
