La sovención, non declarada gracies al especial alcuerdu de confidencialidá que la empresa alcordó a puerta presllada colos grupos políticos del gobiernu asturianu y col másimu responsable de Sogepsa y actual vicepresidente del Gobiernu asturianu, Juan Cofiño, nun garantiza la creación de dengún puestu de trabayu

Va un añu enterábemonos, gracies a una investigación internacional d’UNI Global Union, de qu’Amazon recibiere del Principado una sovención non declarada de 4,4 millones de euros, recibía ensin publicidá gracies al alcuerdu de confidencialidá soscritu pente la multinacional ya’l gobiernu socialista asturianu.

A día de güei, la gran nave que costitui’l proyeutu de cientru lloxísticu d’Amazon nel polígonu de Bobes,  continúa ensin fecha d’apertura, pesi a que les obres de costrución de la mesma finaron n’agosu l’añu pasáu. El proyeutu, vendíu comu un ésitu pal conceyu, prometía la creación d’unos 2.000 puestos de trabayu, seique foron munches les voces que s’alzaron contra la so implantación, ya que la triba d’emplegos que xenera esta multinacional ye d’estrema precariedá. 

Susana Sela