El sindicatu expon que ye una “urxencia vital” pal barriu

El sindicatu educativu anunció el so apoyu a les families de La Corredoria, que esixen l’aceleración de los plazos de construcción del segundu institutu del barriu. La conseyería d’Educación tien planiáu que’l centru de Secundaria seya inauguráu nel 2022.

Pa SUATEA esi plazu nun ye asumible yá que’l barriu uviéin concentra ún de los mayores incrementos de población de la ciudá, mientres que los trés colexos de la fastera agrupen yá a unos 1.900 alumnos, polo que planteguen la necesidá de “midies d’urxencia” pa promover la más temprana apertura de les instalaciones.

This work is licensed under a Creative Commons Attribution 4.0 International License.