El paru n’Asturies medró n’84 persones nun de los meses que tradicionalmente impliquen un mayor nivel d’emplegu

Sentimos falar de cifres record nel seutor turísticu, de falta de trabayaores, d’escasez de camareros, de cocineros, de llimpiaores, de receicionistes, de mélicos, d’enfermeres, de dependientes … fasta’l seutor de l’alministración s’apunta a llorar por falta de xente a la que contratar. Sicasí, nel mes de mayor actividá económica nun país vendíu al turismu, el paru medra.

Daqué nun cuadra. Menos entá cuando vemos que los servicios son, precisamente, los responsables d’esi repunte del desemplegu, que por una vuelta afeuta más a homes qu’a muyeres, pero que sigue cientrándose na mocedá. 

Nun hai qu’escaecese que de los 54.417 paraos asturianos el paru, pocu más de la metá perciben prestaciones por desemplegu, y d’ellos menos de 14.000 reciben perriba los 480 mensuales qu’apurren les “prestaciones asistenciales”.

Alberto Rodríguez

This work is licensed under a Creative Commons Attribution 4.0 International License.