Asturies nun quier rei -nin princesa, nin premios-
Asturies nun quier ser súbdita, nin que la ocupen plagues de fartones interesaos, nin ser la sede d’un espeutáculu de combayismu nel que se dan cita lo pior de ca casa.
Asturies, los asturianos, nun queremos los Premios Principiegos.
Poro, esti vienres tenemos una cita na Escandalera, a pocos metros del Teatru onde les sos maxestaes tarán faciendo entrega de los Premios Principiegos. La concentración ta convocada de magar les 5 la tardi, cuando entamen a aportar los primeros convidaos, y continuará demientres tola entrega de premios, faciéndose sentir perriba les barreres policiales que, comu cada añu, tratarán de facer lo menos visible la presencia de los manifestantes.Veni-y preparaos pa facer ruíu, gaites y tambores bien llegaos, xiblatos tamién.
L’oxetivu d’esta concentración ye duple: reclamar una República, espeyando el non reconocimientu de la monarquía española por parte de los asturianos, y denunciar los premios Principiegos, un torpe intentu de llavar la imaxen de la monarquía, entamaos por una fundación corrupta, el patronatu de la Fundación Princesa, onde tan les grandes fortunes d’España y dalgunos de los más direutos responsables de les crisis encadenaes que carecemos.
This work is licensed under a Creative Commons Attribution 4.0 International License.
