Los emplegaos d’Itvasa reclamen la mesma xornada llaboral que’l restu d’emplegaos públicos
La plantiya de la Ispección Técnica de Vehículos n’Asturies (Itvasa) vien d’anunciar el so propósitu de dir a la güelga los díes 25 y 30 d’ochobre y 2 de payares, con paros de 2 hores por turnu (10.00 a 12.00 y 18.00 a 20.00) nos 11 centros que ITVASA tien n’Asturies, pa revindicar ls sos drechos en materia d’horarios de trabayu.
Piden tornar a la xornada llaboral de 35 hores selmanales, que perdieron va pa cuatro años con calter esceicional y qu’entá nun se restableció, como se fizo nel restu de trabayos públicos. Amás, soliciten l’adecuación de les categoríes al puestu de trabayu, l’aplicación al completu de la normativa que cinca a trabayu con materiales potencialmente canceríxenos, l’ampliación y estabilización de la plantiya y que se yos reconoza l’antigüedá.
Alberto Rodríguez
This work is licensed under a Creative Commons Attribution 4.0 International License.
