COGERSA xube’l preciu del tratamientu de la basoria mecio, que pasará de 67 a 96 euros por tonelada, pero seguirá ensin garantizar el reciclaxe de los materiales reciclaos qu’agora mesmo son amburaos na so mayoría, incluso depués de ser separtao polos ciudadanos.
La obligación llegal que tienen les alministraciones ye de recuperar y reciclar perriba’l 50% les borrafes sólides urbanes. Sicasí les cifres indiquen que’l porcentaxe de basures reciclaes nun llega al 20% de les borrafes sólides urbanes, cantidá artificialmente amontada cuntando los datos de recuperación de les borrafes de construcción.
Los ecoloxistes lleven tiempu denunciando que parte de los materiales que los ciudadanos separten pal so reciclaxe finen por ser amburaos igualmente -eso si, por separtao- y otra bona parte entiérrase. Acordies les cifres oficiales, nel 2021 enterráronse cuasi 300.000 tonelaes de papel, vidriu, envases metálicos, bricks y materia orgánico, tou ello aprofitable, nel vertederu de COGERSA. Ello representa más de tres cuartes partes del total.
Alberto Rodríguez
This work is licensed under a Creative Commons Attribution 4.0 International License.
