L’equipu de gobiernu sierense presentó esti martes el nuevu portal municipal, que nun tien presencia dala de la llingua asturiana. La web cuenta con versiones en francés, inglés, alemán y italianu amás d’en castellán

Iniciativa pol Asturianu informa de la desapaición de la llingua asturiana de la páxina web del Conceyu, un importante pasu atrás na normalización llingüística y una decisión que choca frontalmente col propiu programa electoral de la FSA-PSOE -que gobiernen en Siero- y confronta cola Llei 1/98, de 23 de marzu, d’Usu y Promoción del Bable/Asturianu que, nel so artículu 8, recueye que “los ayuntamientos asturianos podrán adoptar les midíes necesaries p’asegurar la efectividá del exerciciu de los derechos llingüísticos qu’esta Llei concede alos ciudadanos residentes n’Asturies”.

Ingleses, alemanes ya italianos tendrán, sicasí, garantizáu el drechu a cuntar con información sobre Siero nel so propiu idioma, porque ya sabemos toos que’n Siero faen más xestiones los alemanes que los asturianos.

Alberto Rodríguez

This work is licensed under a Creative Commons Attribution 4.0 International License.