Los ferroviarios convoquen cuatro díes de fuelga pente payares y avientu: 24 y 30 de payares, 1, 4 y 5 d’avientu
La primer vindicación de los trabayaores ye revertir la privatización del transporte de mercancíes n’anchu métricu, impedila n’anchu ibéricu y dar puxu al transporte ferroviariu de mercancíes.
Amás, nagüen por torgar la externalización y socontratación de cargues de trabayu, midía que ye bien sabío que lleva venceyao la precariedá llaboral y la cayía de la calidá.
Precisamente, l’apueste pola calidá ye otra de les cuestiones recoyíes nestes protestes, solicitándose inversión en desendolcu ya investigación, por un ferrocarril eficiente, vertebraor y ecolóxicu, socialmente beneficiosu y públicu.
Na cuestión de la descentralización, venla positiva, siempres que se faiga pol beneficiu del ferrocarril, non comu moneda de cambiu en pactos políticos que nun cuenten con usuarios nin trabayadores.
Finalmente, reclamen que los puestos de direición se repartan pol méritu y la capacidá, non por enchufismu políticu comu fasta agora.
Susana Sela
This work is licensed under a Creative Commons Attribution 4.0 International License.
