L’Asociación un Pulmón pal Solarón nun descarta retomar les movilizaciones pa esclariar el futuru d’esta parcela ya’l reacondicionamientu de la contigua
Va cuasi añu y mediu el plenu del Conceyu Xixón anunciaba l’aprobación de la propuesta d’habilitar los terrenos anesos al Solarón. El so estáu actual vien a ser el mesmu qu’entos, ensin qu’esista siquiera un proyeutu definíu pa esa importante parcela del cientru de Xixón: dende xunu del 2022 nun se dio dengún pasu nel sen prometíu.
Eso, xunío a la situación irregular del Solarón mesmu, cola so llarga indefinición urbanística y la menacia continua de convertir el qu’agora ye’l polmón del cientru Xixón nuna -innecesaria- urbanización, esmolez a los vecinos de la contorna, qu’acomuñalos nel coleutivu Un Pulmón pal Solarón convoquen pal prósimu 30 de payares un alderique colos partíos responsables d’esta situación, ello ye, los cincu grupos nel gobiernu xixonés, PSOE, Podemos, PP, FORO ya IU. La cita ye a les siete de la tardi nel Muséu’l Ferrocarril.
Alberto Rodríguez
This work is licensed under a Creative Commons Attribution 4.0 International License.
