La Escuela de Música Tradicional Asturiana Manolo Quirós, perteneciente al Ayuntamientu d’Uviéu, ta acabante de sacar una convocatoria pa facer una bolsa de trabayu na categoría de Monitores de Música Tradicional
L’oxetu d’esta convocatoria ye facer una bolsa de trabayu o llista d’aspirantes pa la provisión de puestos de trabayu por personal interín na categoría de Monitor de Música tradicional col envís de sustituyir a los titulares en casos de baxes, escedencies o asemeyao.
Hasta’l 11 d’avientu pueden presentase solicitúes a les siguientes especialidaes: monitor d’aerófonu de llingüeta doble de la tradición asturiana y conxuntu tradicional asturianu, monitor de tonada, monitor curdión diatonicu, monitor de percusión tradicional asturiana (tambor), monitor de baille, pequeña percusión y investigación folclórica; y monitor de zanfona, rabel y folclore.
P’acceder al Concursu-Oposición hai que tener el Títulu de Graduáu Escolar, ESO o equivalentes, envalorándose cuestiones como la esperiencia profesional, titulación oficial d’enseñances musicales, cursos de formación y otres cuestiones como premios, publicaciones, discografía y conferencies impartíes. Amás, habrá que pasar una preba na que’l tribunal va valorar aspectos técnicos y interpretativos. Toles bases de la convocatoria tán espublizaes nel BOPA.
Les solicitúes han presentase enantes del 11 d’avientu nel Rexistru Xeneral del Ayuntamientu d’Uviéu.
Susana Sela
This work is licensed under a Creative Commons Attribution 4.0 International License.
