Un vecín denuncia la connivencia de los funcionarios del conceyu ante una situación incaltenible d’acosu por parte d’un comerciu vecín, que lu ta llevando incluso a requerir atención mélica
Acordies la Sección Territorial d’Avilés, de la Fiscalía d’Asturies, que dirixe la fiscal decana de recién,
Da Elsa Mesones Orue, tantu l’alcalde d’Illas Fernando Alberto Tirador Martínez comu’l secretariu del conceyu, Juan Manuel Acebal, van ser investigaos por un presentu delitu prevaricación. Na denuncia recibía pola fiscalía el pasáu mes d’ochobre denunciábase tamién a los mesmos por dexación de funciones, ocultación de documentos, cofechu, odiu y discriminación. 

Los fechos que lleven a esta situación entamen va más de dos años cuando los propietarios d’un establecimientu comercial vecín a la residencia del afeutáu entamen a face-y la vida imposible, con insultos, menacies, agresiones -too ello denunciao y con testigos- y sobre tou, ruios molestos que-y impiden el descansu. 

Más d’un añu entardó en decidise a denunciar la situación, ensin que se tomare denguna midía per parte la Ca’l Conceyu. Depués de delles denuncies énte l’Ayuntamientu, algamó que nel entamu
d’esti añu se-y ufriera una midición de ruíos por parte del Llaboratoriu Asturianu de
Calidá de la Edificación. Ésta fízose nel mes de xunu pasáu, notificándose los resultaos a la Ca’l Conceyu, que ñega al perxudicáu la copia del informe, pesi a llegar a facer delles solicitúes del mesmu al traviés del rexistru, ensín recibir rempuesta. 
La situación nun meyoró tampocu colos ruios ya’l vecín afeutáu tuvo de ser atendíu pol Serviciu de Salú Mental pa poder siquiera consiguir dormir dalgunes hores.

El pasáu mes d’ochobre el vecín presentó finalmente denuncia énte la Fiscalía, qu’almite la posibilidá del presuntu delitu de prevaricación contra los funcionarios, a los que va investigar.
Cabe recordar, que va unos meses p’atrás, otru vecín yá denunció la posibilidá de que l’alcalde, Fernando Alberto Tirador Martínez, d’Izquierda Xunida, yá nel cargu dende va más de cuatro llexislatures, prevaricare, xunto col arquitectu de la OUT de Pravia, por refugar un escritu presentáu en llingua asturiana.

Nel Dos Santos

This work is licensed under a Creative Commons Attribution 4.0 International License.