La obra, que cuenta con imáxenes de gran calidá de la coleición museística del Pueblu d’Asturies, recueye una hestoria ficticia ispirada nes semeyes

“La Sidra nel Muséu del Pueblu d’Asturies” ye, ante tou, un documentu gráficu que recueye al traviés de la obra de la fotógrafa Vera Anikina la impresionante coleición museística dedicada a la sidre qu’alberga’l Muséu del Pueblu d’Asturies. Acompaña a les semeyes una hestoria de l’autora asturiana Llucía Fernández, que s’ispiró nes imáxenes de la coleición pa escribir una apasionante hestoria de sosprendente final. Comu la mesma autora alvierte nel mesmu prólogu “Quiciás espere’l llector alcontrar equí un sesudu ensayu sobro la sidre y los sos preseos, o quiciás cuente topar una obra costumista, enllena tradición ya información sidrera, incluso pue aportar equí a la gueta d’un catálogu de les munches ayalgues –que les hai- coles que cuenta’l Muséu’l Pueblu d’Asturies. Si el de so ye cualisquier d’estos casos, llamanto deceicionalu, pero nun va topar na d’eso. Lo qu’equí se recueye ye, a cencielles, una historia que trescurre n’Asturies y trescurriendo n’Asturies, comu nun podría ser d’otra mena, la sidre ta presente, mui presente’n toa ella”.

El llibru podrá alquirise próximamente nes llibreríes d’Asturies, na tienda online de la Revista LA SIDRA, SidraShop, o na Tienda InfoAsturies.

Esti lliibru ta editáu por Espublizastur SL, con sofitu de la FMCDYUP del Ayuntamientu Xixón

Nel Dos Santos

This work is licensed under a Creative Commons Attribution 4.0 International License.