Bonos díes, bona xente.
Alborecemos con dalgo de nubosidá alta ya con unes temperatures que tan alrodiu de los 9ºC, rexistrándose nel puirtu Payares 1,1ºC
Güei a pesar de la llume del sol l’aire gallegu va dexanos un día fríu con sensaciones térmiques baxes. Pela mañana predominarán los grandes claros o abancios sobre les nubes, mentantu que pela tarde sedrá al revés. Nun se descarta dalguna nevada feble pela cordelera que dalgo cayó yá esta nueche. Les temperatures en descensu y l’aire gallegu con raches fuertes tendiendo a amenorgar a últimes hores.
Mañana alboreceremos con escasa nubosidá y dalguna xelada puntual nes zones más favoretibles polo qu’esta nueche va tocar abrigase. A lu llargu la mañana dirán aumentando les nubes de tipu mediu-altu empobinaes pol vientu ábrigu que fadrá subir dalgo les temperatures másimes, nun mos dexarán precipitaciones, sicasí na fastera más surocidental pue cayer dalguna gotera.
El martes l’aire ábrigu coyera puxu y soplará con fuercia nes zones altes de montaña, amás con él subirán tamién les temperatures ya tendremos nubosidá de tipu mediu-alto que sedrá más abondosa na fastera surocidental y cordelera, nun s’esperen precipitaciones hasta’l final del día cola llegada d’un frente poco activu.
El miércoles y xueves sedrán díes de transición con nubosidá pero sin malpenes precipitaciones y temperatures que van camudar poco y yá de cara al vienres y sábadu paez que tendremos una entrada fría que mos dexará precipitaciones abondoses y nevaes copioses pela cordelera con una desendolque posterior qu’abre la puerta, con vientos del nordés mui fríos, a caltener la nieve nes montañes y facilitar l’apertura de les estaciones d’esquí, pero esto yá lu diremos viendo.
Que paséis una feliz nueche ya tengáis un bayurosu 2024 collacies ya collacios.
This work is licensed under a Creative Commons Attribution 4.0 International License.
