Los Comités d’empresa creen qu’ArcelorMittal podría tar tratando d’influyir na negociación coleutiva metiendo miéu, estratexa utilizada pola empresa n’ocasiones anteriores
ArcelorMittal anunció la posibilidá de parar el fornu altu A na factoría xixonesa de Veriña, por mor de “la baxa demanda del mercáu”. De ser asina, veríense afeutaos miles de trabayadores y habría una repercusión na actividad económica de toa Asturies.
Los sindicatos acusen a la empresa de falta d’información, urxendo a un aconceyamientu nel que se-yos de tolos detalles. Aparte, sigue pendiente de convocar conceyu pa la negociación del conveniu coleutivu, polo que los trabayadores sospechen qu’esta pueda ser una menacia cola qu’influyir na negociación coleutiva, tantu más cuando dexen nidio que nun ye una cuestión puntual sinón que tan dimpuestos a presllar el fornu ca vegada que yos convenga en función de los intereses de la empresa.
Alberto Rodríguez
This work is licensed under a Creative Commons Attribution 4.0 International License.
