La propuesta, la primera fecha por VOX nesta llexisllatura, sedrá votada por tolos ediles nel prósimu plenu del Conceyu y podría salir alantre
Ye la primer propuesta fecha oficialmente por Sara Álvarez Rouco, la única componente actual del grupu municipal de VOX y consiste en llantar con calter permanente una bandera xigante d’España na Plaza l’Humedal, asemeyando la qu’hai n’Uviéu. La proposición, que ya se fexo nel 2014 y nel 2019, tien de ser votada nel prósimu plenu, pero si se sumaren a favor los votos del PP, VOX y Foro, como ocurrió nes anteriores votaciones, nesta ocasión saldría alantre.
Tamién, dientro’l so programa d’apoloxía del españolismu, propuso que se reserve pal futuru desendolcu urbanísticu de la ciudá el nome “Plaza d’España”, proponiendo pa ello los terrenos d’El Solarón o de Naval Xixón.
Nel Dos Santos
This work is licensed under a Creative Commons Attribution 4.0 International License.
