El primer estudiu económicu de la industria musical gallega cifra’l so impautu en más de 227 millones d’euros, calculándose que ca euru invertíu poles alministraciones en cultura gallega multiplícase por tres nel sector y amosando la rentabilidá d’invertir en cultura
Namás el sector musical gallegu, apurre 227’7 millones d’euros, dando trabayu a 3.250 persones. Los datos proceden de la investigación “Impacto da industria musical de Galicia: tendencias, retos e oportunidades” desendolcada demientres dos años pola Universidá de Santiago en collaboración cola Asociación Galega d’Empreses Musicais. L’informe amuesa que con una inversión pública de 53,6 millones d’euros, la industria musical xenera una actividá económica de 181,6 millones d’euros, con un efectu multiplicador de 3,38 puntos.
Destácase tamién nel informe el papel de la música comu un de los principales medios de tresmisión y conservación de la llingua gallega y la so cultura, perpresentes nel so entornu musical, siendo una de les claves del ésitu d’esta industria.
Aparte de la evidente importancia cultural inherente, la industria musical tien delles ventaxes perriba los apuestes d’inversión del gobiernu asturianu: nun contamina comu Arcelor, les mines d’oru o Ence, nun emprobez comu’l turismu nin desapaez nel aire tres d’inversiones millonaries comu la planta d’Amazon.
Susana Sela
This work is licensed under a Creative Commons Attribution 4.0 International License.
