Desfilaron vestíes de preses, con un xuez, un periodista, un policía, un pasteleru faltón y una tarta, tolos personaxes y personaxinos implicaos na so hestoria d’acosu y represión sindical

Les condergaes pol casu la pastelería La Suiza aprofiten cualisquier oportunidá pa visibilizar el conflictu que les tien pendientes de dir a la cárcele -o non, según decida’l Tribunal Supremu- por defender los drechos d’una emplegada, “presuntamente” sometía a acosu por parte’l dueñu de la pastelería.

Nesti casu, tomando con humor la so situación, punxeron voluntariamente’l traxe de preses pa recordar a tola ciudadanía que vivimos nun estáu nel que defendese ye delitu. P’animar más la so apaición pública, fexeron representaciones alusives a lo ocurrío y coreografíes col tema “que la detengan”. 

Nel Dos Santos