Pesi a los descomanaos esfuercios mediáticos y políticos por imponer el sentir españolista, el Pueblu Asturianu tien un de los sentimientos nacionales más fuertes del estáu. Más del 56% de la población que mora n’Asturies ye primero de tou asturiana, y lluéu ya si eso, española. El 9% d’ellos defínense como esclusivamente asturianos. 

Acordies los resultaos espublizaos por Electomanía sobre’l sentimientu identitariu de los estremaos territorios del Estáu español, los asturianos destacamos pol nuesu sentimientu de pertenencia al país bien perriba del sentimientu de pertenencia a España. De fechu, son namás un 7% los que prioricen a España, entantu qu’un 56% pon a Asturies per delantre. Otru 37% iguala la importancia de les dos pertenencies. 

Menos españoles siéntense los catalanes, vascos, gallegos y navarros, que tienen respeutivamente una preferencia pola so identidá del 74,7%, 92,7%, 77% y 77’2% respeutivamente. Destaca tamién el fuerte sentimientu identitariu aragonés, un puestu per detrás d’Asturies, con cuasi’l 55%. 

Tou ello, pesi a los descomanaos esfuercios mediáticos y políticos por imponer a cualisquier preciu un sentimientu españolista esacerbáu y pesi a la fuerte inmigración, ya que n’Asturies viven un numberu indetermináu d’españoles desplazaos dende otres partes del estáu, cuyu sentimientu dista de ser asturianu, y más de 50.000 persones vinientes d’otros paises.

Nel Dos Santos

This work is licensed under a Creative Commons Attribution 4.0 International License.