La sidra de Peñon, Quelo, Fonciello, Germán, La Morena, Alonso y Cabueñes competirán pol títulu que les reconoz comu la meyor d’esta collecha
El miércoles 20 de marzu cellebraráse la final con estes siete sidres, consideraes les meyores na fase previo.
A lo llargo de la mañana d’ayeri el xuráu de la XIV Meyor Primer Sidre l’Añu, presidíu por Manuel G. Busto y compuestu por el campeón d’echaores, Wilkin Aquiles Bautista, los profesores de la Escuela de Hostelería Luis García Ordás, Benedicta Zurro Negro, el propietariu de La Montera Picona, Emilio Rubio Blanco, y los tastiadores Inés G. Nosti, Juan Luis García García, y Sara Campomanes Álvarez, prebó y valoró les más de 40 sidres presentaes a concursu nuna duple tastia a ciegues que dio como finalistes a siete llagares.
A la final, que tendrá llugar a les 18:00 la tardi na sidrería La Montera Picona de Ramón, concurren siete llagares: Peñon (Albandi), Quelo (Tiñana), Fonciello (Tiñana), Germán (Avilés), La Morena (Viella), Alonso (Llangréu) y Cabueñes (Xixón).
Pa la final, el sistema sedrá igualmente de duple tastia a ciegues, de la que los xuraos escoyerán cuatro sidres pa una tercera tastia, cuya puntuación sumará a lo algamao por esos llagares nes dos primeres prebes, dando como resultáu la sidre ganaora.
Les tasties y deliberaciones del xuráu sedrán abiertes al públicu y una bones finalizáu’l concursu podrán probase les sidres finalistes.
La sidre ganaor sedrá la Sidre Oficial de la XIV Primer Sidre L’Añu, que, pesi a les complicaciones derivaes de la denegación del usu del Muséu del Pueblu d’Asturies y del retrasu a la hora de conceder otru terrén, se cellebraráse per tolo alto del 28 al 31 de marzu, con un ambiciosu programa d’actividaes y tola sidre que se quiera al mui competitivu preciu de diez euros por persona
Sidre sobre la madre
Dende hai 15 años LA SIDRA y la Fundación Asturies XXI escomenzaron a trabayar pola recuperanza de la sidre ensin trasegar, que práuticamente desapareciere del mercáu pola industrialización de los llagares y l’aplicación xeneralizada de los trasiegos. Ca vuelta son más los llagares que s’animen a comercializar esta triba de sidre y que participen nesti certame.
Llucía F. Marqués
This work is licensed under a Creative Commons Attribution 4.0 International License.
