Los arramaos finen na Sablera el Dique, n’Aramar, siendo percibibles pola vista ya’l olfatu
La Confederación Hidrográfica vien d’abrir d’un nuevu espediente sancionador contra’l Conceyu de Gozon por contaminar el dominiu públicu hidráulicu mientres el pasáu branu pol derrame d’agües residuales al calce del regueru Cañeo, procedentes del pozu de bombéu de la rede de saneamientu municipal de la Vallina, qu’acaba en sablera del Dique n’Aramar, que denunciaron dende la Coordinadora Ecoloxista d’Asturies el pasáu branu.
Estos arramaos d’agües residuales nel ancón d’Aramar que son avezaos y percibibles a cencielles, tanto pol fedor comu pol collor de les agües.
La problemática de la calidá de les agües polos constantes arramaos nesti calce, pola que yá foi sancionáu’l Conceyu, ta afectando, non solo al arruelu, sinón a los llabores de los pescadores esportivos y a les distintes actividaes esportives que se realicen nes proximidaes de la sablera.
Esto ocasiona dos problemes, per un llau la degradación de la redolada naturalpor culpa de la neglixencia y la tolerancia de les autoridaes responsables de curialo y de xixilar la so estabilidá y otra, la reiterada perda económica pal conceyu enteru d’unes perres que podien tener meyor destín, cuando si se solucionare’l problema poniendo los medios afayaizos pal tratamientu d’agües residuales el gastu sedría únicu, amás de valible.
Susana Sela
This work is licensed under a Creative Commons Attribution 4.0 International License.
