Metanes l’alderique sobre les consecuencies del turismu pa la población, el mesmu nun apara de medrar en Xixón
La cifra total de turistes agospiaos n’establecimientos hoteleros de Xixón mientres el mes de febreru ye de 26.131 viaxeros, con una estancia media de 1,8 nueches. Esto representa un total de 46.691 pernoctaciones, según los datos oficiales publicaos pol INE.
En cuanto al orixe, el númberu de turistes madrilanos llegaos a Xixón y agospiaos n’hoteles (4.320 persones) ye la cifra más alta rexistrada hasta la fecha para’l mes de febreru. Los turistes madrilanos supunxeron el 16,5% del total en febreru; los castellanos y lleoneses, el 14,4%; y los gallegos, el 11,4%.
La tarifa media diaria (ADR) asitiase en 57,49 euros. Estos niveles de precios y les cifres d’ocupación traducense nun xorrecimientu de la facturación del sector hoteleru (en conceutu d’agospiamientu) d’un +22,7%, algamando la cifra de 1,7 millones d’euros.
La presión sobro la ciudadanía y los servicios públicos causada por esti aumentu de población de camín tendría de ser, propunxeron dende dellos partíos y organizaciones ciudadanes, compensáu col pagu d’una tasa turística.
Nel Dos Santos
This work is licensed under a Creative Commons Attribution 4.0 International License.
