L’aición vecinal Un Pulmón pal Solarón entama esta iniciativa qu’anima a llantar árboles autóctonos nel espaciu del cientru Xixón conocíu comu’l Solarón
Los terrenos de l’antigua estación de trenes de Xixón, conocios como “El Solarón” lleven munchos años siendo oxetu de discordia pol so futuru usu. Mientres los vecinos, aconceyaos na plataforma “Un Pulmón pal Solarón” consideren esti solar como una oportunidá de qu’esos terrenos ferroviarios públicos lliberaos se semen de verdi, creando “un parque nel centru la ciudá como llugar d’alcuentru interxeneracional, espaciu d’espardimientu y salú pa toos, que mitigue la contaminación ya’l cambeu climáticu”, la Casa Conceyu tienlos clasificaos comu urbanizables y la espada del formigon pende sobre ellos dende’l primer intre, aparada namás pola crisis de la costrución.
P’amosar lo que podría ser, Un Pulmón pal Solarón propón a los xixoneses averase coles sos ferramientes y una regaera esti domingu 14 d’abril, a les once, y llantar un árbol. A disposición de los qu’acudan habrá árboles autóctonos, abidules, castañales y carbayos, pente otros.
Llucía F. Marqués
This work is licensed under a Creative Commons Attribution 4.0 International License.
