La ineficacia de la recoyía de basories n’Illas sigui fomentando l’apaición de puntos prietos onde los vecinos se desfaen de residuos de gran tamañu
Un nueu basorieru pirata vien de ser denunciáu n’Illas. Ta allugáu a la vera la carretera IA-1 (La Caizuela-La Llaguna), km 1,050; a la manzorga en sentíu pa La Llaguna. Dao que la so allugación esauta ta en conocimientu de les autoridaes, ye responsabilidá de la Ca Conceyu desanicialu darréu, anantes de que vaiga a más, ya que les dificultaes pa desfacese de la basoria por medios llegales ye abegoso nesti conceyu y la xente aprofita cualisquier llugar discretu pa ello.
Recordemos vecinos d’Illas tienen namás un día al mes pa llevar los residuos de gran tamañu al Puntu Llimpiu Móvil, pero el problema ta en que nun hai manera de saber qué dia va ser esi, ya que la información que sigui apaeciendo na páxina web del Ayuntamientu ye la correspondiente al añu 2022.
Ello asina, los residentes de la fastera nun tienen forma de saber cuando pueden o non desfacese de la basoria, lo que ta derivando nel espoxigue de dellos basorieros pirates nel conceyu, comu l’acabane de denunciar.
Llucía F. Marqués
This work is licensed under a Creative Commons Attribution 4.0 International License.
