Cellebración de les Lletres Asturianes: xunta estraordinaria de l’ALLA, el vienres 3 de mayu, nel Teatru Campoamor d’Uviéu; Manifestamientu de les lletres, sábadu 4 de mayu, tamién n’Uviéu
El Día de les Lletres Asturianes algama la so 45a edición nel añu que l’apaición hai mediu sieglu de Conceyu Bable, organización a la que se considera la pionera de la vindicación llingüística moderna, polo que se-y dedica esta cellebración. La cita que preslle una selmana entera d’actos oficiales dedicaos a les lletres asturianes y l’alcordanza de Conceyu Bable sedrá nel Campuamor, el vienres tres de mayu a les siete de la tardi.
Amás de la xunta estraordinaria pública, aú l’Academia de la Llingua Asturiana (ALLA) va acoyer a los sos tres nuevos miembros (Claudia Elena Menéndez Fernández y Pablo Rodríguez Medina como
académicos de númberu y Éva Büchi como académica d’honor), l’actu va cuntar col discursu institucional de Xosé Antón González Riaño (Presidente de l’ALLA) y l’actuación musical d’Héctor Braga, que va dar amuesa del so últimu proyeutu: Rabil.
El día viniente, sábadu 4 de mayu, a les doce’l mediudíi, saldrá de la Estación del Norte, n’Uviéu, el manifestamientu nel que comu tolos años miles d’asturianos tornarán a reclamar el reconocimientu de ls sos drechos llinguísticos de la única manera válida, la Oficialidá darréu, completa ya ensin medies pallabres nin amabilidaes ambigües.
La separtación pente la xunta estraordinaria de l’ALLA, na que acueyen a los sos nuevos miembros, ya’l tradicional manifestamientu qu’avezaba preceder la mesma tien como finxu y/o consecuencia alloñar la revindicación llingüística de los representantes políticos de los que depende, presentes nel actu institucional y a los que se quier protexer de les reclamaciones de los asturianos.
Nel Dos Santos
This work is licensed under a Creative Commons Attribution 4.0 International License.
