1385 asturianes son usuaries actives del Serviciu Telefónicu d’Atención y Protección pa Víctimes de Violencia de Xéneru
Asturies ye’l segundu territoriu del estáu con más muyeres nesa situación per millón d’habitantes, tando perriba namás la Comunidá Valenciana, con más de 8.000 usuaries contabilizaes, ello ye, xunes 1.600 víctimes por millón d’habitantes.
El Serviciu Telefónicu d’Atención y Protección pa víctimes de violencia contra les muyeres (ATENPRO) ufierta a les víctimes de violencia contra les muyeres una atención inmediata, énte les eventualidaes que puedan sobreveni-yos, les 24 hores del día, los 365 díes del añu y sía como quier el llugar en que s’atopen.
El serviciu básase nel usu de tecnoloxíes de comunicación telefónica móvil y de telelocalización. Permite que les víctimes de violencia contra les muyeres puedan entrar en contactu en cualquier momentu con un Centru atendíu por personal específicamente preparáu pa dar una respuesta afayadiza a les sos necesidaes. Amás, énte situaciones d’emerxencia, el personal del Centru ta preparáu pa dar una respuesta a la crisis plantegada, bien per sí mesmoso movilizando otros recursos humanos y materiales.
Pueden solicitar el serviciu les víctimes de la violencia contra les muyeres que nun convivan cola persona o persones que-yos sometieron a maltratu. Pídese-yos, amás, que participen nos programes d’atención especializada pa víctimes de la violencia contra les muyeres.
Susana Sela
This work is licensed under a Creative Commons Attribution 4.0 International License.
