El 100% de los conceyos asturianos perdieron población d’esi rangu d’edá.
Pesi a ser les ciudaes teóricamente más prometedores pa la mocedá asturiana, Xixón Uviéu y Avilés perdieron dende 1998 más moraores d’ente 0 y 35 años que denguna otra llocalidá
Nel caberu cuartu sieglu Asturies perdió -170.373 moraores de menos de 35 años. El datu se despréndese d’una comparativa independiente fecha pol consultor de comunicación Pablo Gracia, tres analizar los datos de población recoyios pol INE de toles llocalidaes en 1998 y 2023
Acordies esti estudiu Xixón perdió 35.190 habitantes mozos, Uviéu 20.589 y Avilés 16.135 dende 1998. Pal autor del estudiu “La falta d’oportunidaes ta faciendo que la mocedá se vea obligao a emigrar y a nun tener fios. Creo qu’esta falta d’oportunidaes ye consecuencia d’una política económica enquivocada, consistente n’estraer riqueza del sector productivu pa gastala nel improductivu, lo que frena’l xorrecimientu y les espectatives de futuru de los xóvenes”.
Asturies ye’l segundu territoriu del estáu que perdió más xente mozo, teniendo per delantre namás a Sevilla (-173.825 personas) y siguía por A Coruña (-156.561) y Cádiz (-146.496).
Alberto Rodríguez
This work is licensed under a Creative Commons Attribution 4.0 International License.
