Pesi a los altísimos valores rexistraos, nun s’activó dalu protocolu y nin siquier s’avisó a la población
La pasada foi una selmana llaceriosa n’Aviés pol ácidu sulfúricu, como recoyó la estación mididora, que ta allugada nel polígonu de les Arobies n’Avilés a la llende con Castrillón, onde se algamó incluso un picu de 601 µg/m3 de S02 esta fin de selmana, lo que se considera como un valor estremadamente negativu d’alcuerdu al Índiz Nacional calidable del Aire -La O.M.S. encamienta nun superar una media de 40 µg/m3 de SO2 en 24 hores-. Sicasí, nun s’avisó del mesmu a trabayaores nin moraores de la zona.
L’azufre ye un velenu altamente nocivu pa la salú de les persones. El dióxidu d’azufre (SO2) ta venceyáu a problemes d’asma y bronquitis crónica, aumentando la morbilidad y mortalidá en persones mayores y reciella. Los asmáticos y les persones con enfermedaes pulmonares obstructives cróniques (EPOC) y con problemes cardiacos son los más sensibles a los efectos del SO2.
Ademas de los elevaos valores d’azufre que se dan en zona, caltiense los elevaos valores de partícules de menos de 10 micres. Hai que recordar qu’esta zona presenta los peores datos del estáu poles partícules de menos de 10 micres dende va décades.
Llucía F. Marqués
This work is licensed under a Creative Commons Attribution 4.0 International License.
