La recién formada Asociación d’Amigos de la Cerveza Artesana d’Asturies entama esti fin de selmana el so primer festival en Noreña.  Diez artesanos cerveceros, doce establecimientos collaboradores y una programación interesante son los ingredientes d’un festival qu’aspira a consolidase pa los años vinientes. 

Cerveces artesanes asturianes, y una gallega como convidada d’esta edición, van poder prebase nel primer festival de Noreña. Celébrase na Sala Polivalente “La Plaza” y tamién nos doce establecimientos que participen.

Nun too va ser prebar les cerveces Ordum, Caleya, Deva, Montera, La Xana, Asgaya, Curuxera, Pepinum, Cotoya o la gallega Píntega. La programación inclúi tamién charres y música. Tampoco nun va faltar la gastronomía y dellos establecimientos van ufuiertar platos cerveceros, por exemplu el Mesón Garabatu anunció un xabalí a la cerveza, ellaborao con Caleya Pale Ale, otros guarden en secretu la so creación.

Olegario Díaz, de cerveza La Xana, fabricante dende 2007, el más antiguu de los fabricantes de cerveza artesanal asturianos n’activu. Y ye que la cerveza asturiano artesanal vice un bon momentu y son un bon numberu los artesanos que pasu ente pasu van dando más guerra a les cerveceres industriales foriates ufiertando un productu de calidá fechu n’Asturies.

Nel planu musical destaquen les actuaciones de Mota Blues el vienres y de Fefangüelu el sábadu. Ente les charres, llama l’atención la que va dar Tino Fernández Ovies, ganador de la montaña nel Giro de 1977, con Luis Alberto ordiales sobre la Cerveza y el ciclismu d’élite. Nun faltarán les esplicatives sobre la fabricación de cerveza artesana o del so orixe n’Asturies.

Tola información sobre esti Festival cerveceru pue atopase na páxina de facebook de l’Asociación d’Amigos de la Cerveza Artesana d’Asturies

This work is licensed under a Creative Commons Attribution 4.0 International License.