Más d’un millar de persones arropen a les 6 de La Suiza na rueda de prensa na qu’anunciaron la so próxima entrada en prisión.

La inusual celeridá cola que’l sistema de xusticia español ta moviendo esta fase final del casu fae que puedan ser entrar en cárcele ya dende’l prósimu llunes.

Na Plaza’l Conceyu de Xixón alendábase ayeri emoción, rabia contenio y sobre tou, solidaridá. Tolos allí presentes yeren coscientes de les implicaciones de la decisión del Tribunal Supremu, non solo pa les seis condergaes, sinón pa toos nosotros; como lo resumió Álvaro, Secretariu de la CNT d’Asturies y Llión “lo que pretenden ye crear xurisprudencia”. Una bones elles tan condergaes por exercer los sos drechos sindicales, cualisquiera pue ser encarceláu por cuestiones tan cencielles comu participar nun manifestamientu.

Asina lo recalcó Luara, una de les afectaes del casu, que destacó que tan nesta situación namás que por participar n’aiciones sindicales de llibru, buscar la negociación cola otra parte y una bones nun hai posibilidá d’esa via, protagonizar concentraciones -pacífiques- al pie de la empresa en cuestión. Una d’elles, destacó na so intervención, ta condergada simple y llanamente por falar, por cuntar el so casu, por buscar ayuda… con tolo qu’ello significa pa les muyeres ya’l movimientu feminista. 

Na so intervención, Hector destacó l’arguyu de facer sindicalismu, de saber que se fae lo correcho, dexando bien nidio que castigos como esti nun van aparar l’aición sindical, resaltando la emportancia de seguir lluchando, “anque seya dende sindicatos qu’ente si tean diferencies y que vean les coses de distinta manera, lo importante ye que se siga faciendo sindicalismu” dixo, aludiendo a la representación de dellos sindicatos que respaldaron a les 6 de la Suiza na rueda de prensa y cuyos representantes sostuvieron una pancarta col llema “Solidaridá”. Finalmente, Sara, en representación del Grupu de Sofitu al Casu de la Suiza, fizo un llamáu a pensar nel impactu personal que pa les condergaes y les sos families tien esta sentencia, en toles vides que se vieron y van ver trastocaes ensin remediu pola decisión xudicial que les manda a la cárcele.

Tres de la rueda de prensa, les afectaes escolingaron la bandera naranxa que representa la defensa de les 6 de La Suiza del balcón de la Ca Conceyu. 

Nel Dos Santos

This work is licensed under a Creative Commons Attribution 4.0 International License.