El Pasucais que va cellebrase’n Xixón el vienres 12 xúnese a les amueses de solidaridá que percuerren l’Estáu español en refuga a la conderga a les sindicalistes.
El prósimu vienres doce de xunetu convócase un pasucais a les siete y media la tardi, con salida delantre la Selmana Negra, onde diariamente tan repartiéndose papelos con información sobro’l conflictu pa facela llegar a tola sociedá asturiana.
Pero Asturies nun ye la única que ta defendiendo el drechu a exercer llibremente ya ensin coacciones el sindicalismu. De magar que se fexo pública la ratificación de la conderga les protestes van percorriendo estremaos puntos del estáu español. Valladolid, Vallecas (Madrí), Bilbo o Santander son dalgunes de les ciudaes nes que tuvieron llugar esta selmana concentraciones y manifestamientos de sofitu. Les imáxenes de solidaridá lleguen dende puntos tan estremaos comu Lisboa, Varsovia, Noruega o Tiraspol.
Aparte, decenes de persones de tol territoriu español subieron vidios a tik tok ya instagram reclamando l’abosolución de les 6 de La Suiza y dellos debuxantes unviaron los sos diseños revindicativos nuna campaña gráfica de sofitu. Amás, n’abondes folixes y conciertos d’Asturies -comu el de La Tarrancha, Dixebra o Manu Chao, pente munchos otros- oldeó la bandera naranxa, que tampocu faltó en campos de fúbol, comu’l del Ciares.
Llucía F. Marqués
This work is licensed under a Creative Commons Attribution 4.0 International License.
