Los propietarios del conocíu como “l’Horru de Fonso”, allugáu en Sama de Grau, tuvieron de pasar por un llaberintu de tramitaciones y permisos pa poder igualu, pero dos años depués del terrible accidente l’horru torna a llevantase sobre los sos pegoyos y la so restauración completa ta en camín.
Un camión fuera de control desficiere n’Ochobre del 2022 un de los doce horros estilu Villaviciosa que valieren pa datar esti estilu, característicu poles sos talles, y con orixen va más de cincu sieglos. Trátase del tipu d’horru más antiguu del país y declaráu Bien d’Interés Cultural.
Nel momentu del accidente nun s’averó al llugar denguna delegación de proteición del padremuñu, pero si dellos miembros de l’Asociación del Hórru Asturianu, que la mesma tardi del acidente tuvieron valorando la situación, echando un gabitu y asesorando a los propietarios del horru.
Cola so guia, el firme determín de la familia, la implicación de tol pueblu ya’l trabayu del espertu n’horros Armando Graña,la carpintería Grana ya’l canteru David Oyarbide, dos años depués la so recostrucción ye un fechu.
Alberto Rodríguez
This work is licensed under a Creative Commons Attribution 4.0 International License.
