Continúa la campaña reclamando la retirada de cargos y anulación de la sentencia de cárcele pa les sindicalistes de la CNT condergaes por defender a una compañera víctima d’abusu
Mañana a les siete y media de la tardi los Xardinos del Náutico sedrán escenariu d’una cadena humana en defensa de les Seis de La Suiza, depués de la inesperada decisión del Tribunal Supremu de ratificar la sentencia condergatoria pa les seis trabayadores condergaes por concentrase, va ocho años, delantre de la pastelería na que trabayaba y yera víctima d’acosu una compañera.
La solidaridá ya’l sofitu del pueblu asturianu ante esti casu vien siendo constante dende’l primer díe del conflictu, conscientes de que esta sentencia asienta un peligrosísimu antecedente de criminalización de l’ación sindical y un pasu atrás nos drechos de les muyeres, que son castigaes por denunciar los abusos carecios.
Poro, piden la participación, una vuelta más, de tolos asturianos y asturianes na concentración/cadena humana que tendrá llugar na tardi de mañana xueves.
Nel Dos Santos
This work is licensed under a Creative Commons Attribution 4.0 International License.
