¿Nun t’afayes? Tien igua.
Escubre ónde tan los conciertos, conferencies y esposiciones pa ubicate nel eventu.
Demientres esti festival del 12 al 18 d’agostu de 2024 una bayura xente aconceyarase na ciudá bretona d’An Oriant (Lorient en francés) y fae falta asitiase.
Nestos díis podrás escubrir les naciones celtes y los sos productos, sidre incluyío, y equí dámoste delles indicaciones pa que sepas asitiate y nun perder res d’esti eventu.
Espaciu JEAN-PIERRE PICHARD (númberu 19 nel mapa)
El Espace Jean-Pierre Pichard tará dedicáu pa conciertos nocherniegos pa los espectáculos principales. ¿Garresti ya les entraes?
Estadiu de Moustoir (númberu 1 nel mapa)
Esti estadiu fúbol acueye nestos díis los Horizontes Celtes, el concursu de bandes de gaites bretones (Bagadoùs), dancies y traxes tradicionales y tamién el final del Desfile de les Naciones Celtes.
Esti desfile tará compuestu por alrodiu tresmil artistes, bandes de gaites, traxes tradicionales, baillarines, bagadous bretones, grupos culturales de los países celtes y una bayura de representantes varios que nunca enxamás dexen a naide indiferente. Entamará na Cai courz de Chazelles, dempués pela cai Victor Massé, l’Avenida du Faouëdic, Avenida A. France, cai Jean Le Coutaller, y finará nel Estadio del Moustoir.
Le Kleub (númberu 5 nel mapa)
Esti sedrá l’espaciu encargáu d’acoyer la parte más moderna y menos tradicional del festival. Sedrá pa música más tecno-folk, nu folk y postfolk, más pa la reciella y pa la folixa. Por exemplu el caber espectáculu suel ser un DJ que mez música folk con house, tecno o estilos contemporáneos. ¡Hai pa tolos gustos!
This work is licensed under a Creative Commons Attribution 4.0 International License.
