El sen xeneral de les sos enmiendes pasa por facer un Plan Forestal más caltenible dende’l puntu de vista ambiental y económicu
La Coordinadora Ecoloxista d’Asturies presenta una batería d’allegaciones al borrador del Plan de los Recursos Forestales d’Asturies 2025 a 2040, destacando la paralización de los llantaos d’ocalitales y una mayor diversificación d’especies autóctones nos nuesos montes productores, dando asina un xiru radical a la política forestal asturiana, que “debe caminar hacia un modelu forestal más ecolóxixu y caltenible que’l que propón el Plan.
El sen xeneral de les sos enmiendes pasa por facer un Plan Forestal más caltenible dende’l puntu de vista ambiental y económicu, contribuyendo a diversificar la economía y la produción industrial forestal, anguañu prácticamente dependiente del monocultivu del ocalitu que representa’l 70% del total del aprovechamientu forestal de los nuesos montes, suponiendo un grave impactu ambiental.
Nes sos allegaciones proponen una riestra de midíes pa qu’el Plan Forestal articule losmecanismos necesarios a fin de que la superficie actualmente esistente d’ocalitos nun siga medrando. Pesi a superar tolos planes forestales anteriores en materia de superficie ocupada por ocalitos, el Plan contempla siguir alantre col so llantáu, introduciendo amás una especie nueva y más dañina, el Nitens.
Aparte, proponen prohibir los cultibos enerxéticos, priorizar la llucha biolóxica contra les plagues sobre la fumigación química, la obligación d’incluyir un mínimu del 15% d‘especies autóctones en ca llantáu, impulsar la certificación ecolóxica de la maera a través del sellu FSC o desendolcar un reglamentu de boner práutiques pa minimizar l’impautu de los aprofitamientos forestales en suelos, caleyes y calces fluviales.
Nel Dos Santos
This work is licensed under a Creative Commons Attribution 4.0 International License.
