Pesi a los discursos trunfalistes del gobiernín, ca vuelta son más los asturianos y asturianes que nun pueden acceder a un aporte correchu de proteines, que nun podríen facer frente a dengún imprevistu y que nun puen pagase onde vivir

Acordies los caberos datos de la Oficina Europea d’Estadística (Eurostat), más de 50.000 asturianos nun pueden costease una comida que contenga carne, pitu o pexe nin siquier ca dos díes.

Amás, alredor de 275.000 asturianos nun podríen faer frente a un gastu imprevistu, como unu arreglu, una derrama, una multa o la compra d’un electrodomésticu.

Fasta ehí tamos falando d’aquellos que viven pela so cuenta, dexar de vivir a cuenta de la familia ye ca vuelta más complicao. N’Asturies, namás el 17’3 % de los menores de 29 años tienen la capacidá financiera que-yos premitiría emancipase, incluyendo a aquellos que, teniendo un trabayu, nun ganen con elli abondo pa facese cargu de los sos propios gastos.

Esto cabero ye de xacíu si valoramos que’l preciu de les viviendes n’arriendu ye’l más altu de la hestoria, con una media pa un pisu estándar d’alredor de los mil euros al mes. Nos postreros dos años el preciu de los arriendos xubió trés vegaes más que los salarios.

Nel Dos Santos