La Coordinadora Ecoloxista denuncia que’l Gobiernu d’Asturies sigue tramitando peligrosos parques de bateríes na zona rural asturiana, magar prometer que solo los instalaríen en zones industriales
Esti ye’l tercer parque na zona ya’l quintu proxectáu en Gozón -pel momentu-.Nesti casu trátase d’un parque con 32 contenedores en Santiago d’Ambiedes sobro unes parceles rustiques con 22.000 m2, que tendría una llinia con una parte aérea de 2 Km y otra soterraña de 744 mt. d’alta tensión cruciando la parroquia.
Esti parque taría allugáu en zona rural, arrodiáu de viviendes, cola consiguiente amenorga na calidá de vida de los vecinos. La prosimidá de los contenedores de bateríes a les viviendes trai una fuerte contaminación electromagnética, de la que se comprebó qu’aumenta’l riesgu de diversos cáncanos, tantu n’humanos como n’animales. Los riesgos que suponen esti tipu d’instalaciones en casu de fuga térmica o de quema traen consecuencies irreversibles pa los colindantes, tantu pal medioambiente como pa la salú humana, polo que ye inadmitible la so instalación averada a núcleos de población o a llugares d’interés mediuambiental.
El Principáu reconoz qu’hai 170 proyectos presentaos, pero ufierta la información pali que pali y dica agora solo conocemos 52. Mientres anuncia la so regulación pa instalase en zones industriales y alloñáu de les zones rurales, sigue tramitándose el so allugamientu en zones rurales cercanes a les viviendes.
Los parques de bateríes que pel momentu se propunxeron n’Asturies son d’estremaos tamaños, dende los de 1 contenedor d’almacenamientu, a instalaciones qu’inclúin hasta 100 contenedores. Agora mesmu solo conocemos 52 de los proyectos, repartíos por dellos conceyos asturianos: Salas, Salime, Siero (4 parques), Llanera (3), Mieres (2), Cangas de Onis, Uviéu (8), Avilés (3), Corvera (2), L.lena, Colunga, Villaviciosa (4), Soto Ribera, Regueras, Gijon (6), Candamo (3), Gozón (5), Piloña (3), Grao, Carreño (2). Na so mayoría, alluguense sobro suelu agrícola, alteriando’l so usu y la coherencia visual de la redolada.
Nel Dos Santos
This work is licensed under a Creative Commons Attribution 4.0 International License.
