La Plataforma pola Sanidá Pública del Valle’l Nalón denuncia la falta d’organización dafechu y el defectu de personal en tola ária sanitaria
Allegar a consulta médica en Villoria o El Condao y atopase con un cartelu qu’indique que se-yos va atender nel Centru de Salú de Llaviana (el tresporte públicu pasa una vegada al día, a les cuatro la tardi). Aportar por urxencies al hospital de Villa y que te deriven al HUCA, porque nel Valle del Nalón nun pasa l’especialista que precises hasta dientro de dos o trés selmanes. Dir al médicu de guardia en Sotrondio y atopase con que tienes de llamar al 112 pa solicitar atención. Pasar hasta trés díes hospitalizáu metanes el pasiellu, mientres una planta entera ta presllada. Esperar una selmana para tener cita con melecina xeneral en La Felguera, porque falten cinco facultativos y los que queden tán saturaos de pacientes.
Estos son exemplos cotidianos de les situaciones que viven los habitantes del Valle del Nalón -una zona destacable pola elevada edá media y poro pola alta necesidá d’atención sanitaria- cuando intenten faer usu de la Sanidá Pública.
Falten medios, falten profesionales pero sobremanera, denuncien los vecinos, falta organización.
Nel Dos Santos
This work is licensed under a Creative Commons Attribution 4.0 International License.
