Bonos díes, bona xente.

Alborecemos col cielu poco nuboso o escampláu con unes temperatures que tan alrodiu de los 11ºC, rexistrándose nel puirtu Payares 6,3ºC.

Güei va dir n’aumentu la nubosidá media-alta de sur a norte, emporcando’l cielu empobinada pol vientu ábrigu pero sin más consecuencies con unes temperatures que van caltenese altes pa l’época na que mos atopamos.

Mañana martes la situación sedrá mui asemeyada col cielu empuercáu pero sin dexalu nuble del too ya con ambiente chornosu.

El miércoles tará más escampláu y el xueves ya vienres con dalguna nube más.

La fin de selmana seguiremos con esti tiempu anticiclónicu y poco más que cuntar.

Que paséis un bon llunes collacies ya collacios.

This work is licensed under a Creative Commons Attribution 4.0 International License.