Bonos díes, bona xente.
Alborecemos con nubes ya claros o abancios con unes temperatures que tan alrodiu de los 14ºC, rexistrándose nel puirtu Payares 8,3ºC.
Güei va dir disminuyendo la nubosidá pa quedar poco nuboso o escampláu con unes temperatures que van caltenese mui suaves amás l’aire sedrá sele con predominiu de la componente sur.
Mañana miércoles tendremos una situación mui asemeyada con escasa nubosidá, temperatures altes y vientu ábrigu sele en xeneral.
El xueves predoninará de nuevu’l cielu poco nuboso o escampláu con unes temperatures que camudarán poco, calteniéndose un ambiente mui afayaizu.
El vienres tendremos más nubes cola posibilidá de que caiga dalguna gotera pela tarde y el sábadu tará nuboso pero sin precipitaciones y cola apertura de dellos claros, pa dexanos un domingu espeyáu y soleyeru con unes temperatures con tendencia a descender.
Que paséis un bon martes collacies ya collacios.
Asina ta’l macizu central de los Picos d’Europa, esperando pola nieve.
Semeya que mos l’apurre’l nuesu collaciu Pachu Armesto Hevia.
This work is licensed under a Creative Commons Attribution 4.0 International License.
