La Plataforma Salvemos Peñamayor fai un llamamientu a reforciar la presión y la movilización vecinal para facer efectiva la revocación del PO aprobada por unanimidá pola Xunta Xeneral

La Xunta Xeneral del Principáu aprobó ayeri una PNL na que se pide la revocación del permisu d’investigación minera de Peñamayor por 22 votos a favor y 23 astenciones.

La presión ciudadana d’oposición al permisu d’investigación minera en Peñamayor foi ensin dulda un factor clave por que esta PNL s’aprobare ensin nengún votu en contra. Lo que ye güei nengún partíu políticu con representación nel Parlamentu Asturianu defende la continuidá del permisu d’investigación
minera.

Dende la Plataforma Salvemos Peñamayor reclamen agora una rápida reacción per parte del Gobiernu del Principáu y el Parlamentu Asturianu que faiga efectiva esta PNL, yá que por si mesma esta nun supon más qu’un allugamientu de la Xunta, pero nun obliga. 

Poro, y pa tornar la posibilidá de que se convierta en papel moyáu, piden a tolos conceyos afectaos qu’aprueben mociones pidiendo la revocación del permisu d’investigación como yá hai fixo fai un par de selmanes el de Llaviana y ayeri mesmu’l de Bimenes, faltando por tanto namá Nava y Piloña por llevar esi alderique a los sos plenos. Amás isisten en que yá que “bien al nuesu pesar, nun utilizaron les sos posibilidaes de recursu llegal en tiempu y forma del Proyectu d’Investigación, utilicen tolos mecanismos alministrativos posibles y les sos normes urbanístiques pa frenar cualquier tipu de llabor rellacionáu cola PI, mientres esti siga vixente”.

Finalmente, desixen la necesaria tresparencia ya información pública eficaz sobre cualquier asuntu que tenga que ver con Ástur A y que se suspenda’l otorgamientu del restu de permisos venceyaos a Asturmet similares a Ástur A.

Alberto Rodríguez

This work is licensed under a Creative Commons Attribution 4.0 International License.