Ayeri tornaron a dase cita dellos coleutivos feministes y sociales baxo’l paragües de la Plataforma Stop Violencies, como ca miércoles final de mes, xuntu al edificiu de la Gota Llechi, pa visualizar el macabru contador d’asesinaes y p’amosar la so refuga ante los  crímenes machistes, remembrando qu’a nivel estatal les muyeres achuquinaes pasaron de 75 a 81 nel caberu mes. La probe esperanza que queda ye qu’esti añu nun s’algame, comu l’anterior, el centenar.

Los nomes de les víctimes d’esti añu, que van dende los 16 díes a los 90 años, foron lleíos con solemnidá nel trescursu la concentración, pa que nun s’escaezan

Los convocantes son Andecha Ástur, Anticapitalistes, Amamantar, l’Asociación de Pensionistes de Xixón, l’Asociación Ecofeminista Petra Kelly d’Asturies, el Colectivu de Trabayadores, Feminismu en Llucha del CSI, la plataforma del serviciu d’ayuda a domiciliu -SAD-, Podemos y Verdes-Equo.

Susana Sela