Coincidiendo cola entrega de premios güei inaguraráse na Sidrería La Galana la esposición de les obres escoyíes comu finalistes d’esti importante certame internacional sobre la sidre, la mazana y la cultura venceyada a elles
El concursu, que ta entamáu pola Fundación Asturies XXI col padrociniu de Sidra JR y la collaboración principal de l’Asociación Fotográfica Asemeyando y la Sidrería La Galana recibió esta edición 204 obres de 59 autores provenientes de 11 estados de tol mundiu.
El xuráu, presidíu por Luis José Vigil-Escalera, Presidente d’Asemeyando y Director del Centru Espositivu FIAP de Llangréu, declaró como ganador d’esta edición a Jose Mª Molist, cola so obra ‘Trés Pomes’, otorgando coles mesmes dos accésit, el primeru p’Analia Pello, por ‘Espalmando’ y el segundu pa Natalia Ponikarova por ‘Sidra y Cubizmo’, siendo’l premiu especial JR pa José Luis Martínez, precisamente pola obra del mesmu nome ‘JR’.
La entrega premios va tener llugar esta tardi a les 20 hores na Sidrería La Galana -Plaza Mayor, Xixón- El acto contará con la participación del Presidente de la Fundación Asturies XXI, Marcos Abel Fernández, el Conceyal de Participación, Atención a la Ciudadanía, Mercados y Consumos, Distritos, Cooperación al Desarrollo e Inmigración de Xixón, Guzmán Pendás y el Presidente de Asemeyando, Luis José Vigil. Coincidiendo cola entrega tendrá llugar la naguración de la esposición coles 20 meyores obres presentaes a esti concursu internacional, nel que participaron 59 autores de países como Azerbaiyán, Brasil, Rusia, Cuba, Irán o Bangladesh que compartieron espaciu con obres veníes de llugares que mos resulten más conocíos nel ámbitu sidreru, como Portugal, Francia o Italia. La esposición sedrá itinerante y a lo llargu l’añu esibirase en centros culturales, d’arte y sidreríes de toa Asturies y de delles llocalidaes pertenecientes a la rede europea de ciudades de la sidre, Cider Cities.
Esti certame, de gran prestixu nacional ya internacional, ye l’únicu cuya temática xira alrodiu la sidre y la mazana, costituyendo toa una espresión de la cultura de la sidre.
Los asistentes al eventu recibirán un exemplar de la revista LA SIDRA del postrer mes, y una etiqueta de sidre conmemorativa, que sedrá entregada namás en dichu actu.
Alberto Rodríguez
This work is licensed under a Creative Commons Attribution 4.0 International License.
